نازل بكرة

لو شايف ان النزول بكرة غلط مضيعش وقتك ف الكلام ده.....

انا نازل لان مفيش حاجة حصلت  .. انا نازل عشان منزلش تاني و تالت .. انا نازل لان في شهداء راحو بعد الثورة .. انا نازل عشان ضحايا محمد محمود و مجلس الوزرا .. انا نازل عشان اختي اللي عروها و ضربوا اللي ساعدتها .. انا نازل عشان الشيخ عماد و مينا و محمد جمال .. انا نازل لاني مكاني ف التحرير مش براه ...

التحرير هو اللي جاب المجلس و خلي اللي ليه و اللي ملوش يتكلم ف امور البلد سلبا و ايجابا .. هو اللي رفع رسنا ... هو الميدان بتعنا كلنا .. هناك اطهر مكان ف مصر و اطهر شباب ضحوا عشان بلدهم من كل اتجاه ..

العسكر كدبوا ف كل كلامهم ... شبعنا كدب ... شبعنا من الجهلاء ... شبعنا مرض و فقر و جهل و امتهان

شبعنا من الفلول و من ع شاكلتهم ...

...............................................................
لو حصلي حاجة وصيتي محدش ياخد دية ولا تعويض ولا وظيفة ولا اي شئ حرام منهم .... القصاص و لو يوم الدين