شهادتي ع التحرير و رابعة يوم 4-7-2013
اتكتبت ف بوست مقفول ع الفيس و منقولة كما هي
..................
https://www.facebook.com/adham.elsafoury/posts/10201261114350741
كنت ف التحرير و رابعة
بداية البوست مقفول ع الاصدقاء اللي ممكن افكر معاهم بس .. الكلام بقى كمان صعب
بداية رحت التحرير دخلته من طلعت حرب ده مش الميدان اللي كنت هاموت فيه
مرتين ع الاقل انما سويقة كبيرة ناس نازلة تحتفل و كاننا عبرنا القناة تاني
... منظر مقزز
لاول مرة اكره علم مصر و اللي شايل علم مصر
شفت الجرايد كلها ع نغمة وحدة الجيش و الشعب ايد وسخة ... قصدي واحدة
مستحملتش اقعد اكتر من 5 دقايق .. انا شايف ناس فرحانة بفرح اختهم المغتصبة ع اللي اغتصبها
............................
الرحلة الى ربعة
اولا اركب لاول عباس و ارجع لربعة اقرب متركبش سادس او سابع (لو مش فاهم
او مش هتروح مش هتفرق) .. المهم ركبت سادس و نزلت عن سلم الازهر و خدتها مش
لحد رابعة.
وصلت ع صلاة الظهر العدد لا يتجاوز 30 الف ع اقصى تقدير ان لم يكن اقل
مش هتفرق العدد بيزيد بالليل
قبل ربعة بمخمس دقايق مشي مدرعات جيش بدخل اي حد بعد التفتيش الروتيني لا قلق منها هم متعاونين و محترمين لدرجة ملحوظة
بعدها هيفتشك الاخوان كويس
هتلاقي قهر و احساس بالهزيمة و عدم قبولها (عارف اللهم انصرنا ع القوم
الظالمين ... لحد امتى هنفضل ندعيه) عند اول الاعتصام تم تجميع زجاجات
فارغة منها طبعا بيرة و محدش يقول بيشربوها و طوب و كسر بلاط
الاعتصام يجاور الشئون المالية للجيش و ايضا مباني جيش كتيرة ... لامؤخذة
محاصرين لو قائد بدين لسه موجود و قرر يتغابى هيكون الضحايا كتير و ده سبب
لعدم جدوى الاعتصام هناك و او بالاصح جدواه كليتا
المنصة بتقول الطيب باطل تواضروس باطل حزب النور الامريكي .. اه الامريكي باطل
كمان بتخليهم يقسموا ع عدم ترك الاعتصام حتى النصر او الشهادة !!!
مفيش قيادات و جايز مخدش بالي
وجود الشوم ملحوظ امن المداخل يرتدي خوز بلاستيكية تضر اكتر مما تنفع
المهم الشباب اغلبية ملحوظة و ده مبرر لارتكاب اي حماقات من الجانبين
المنصة تشحن ف اتجاه واحد لا اراه قريب و هو عودة مرسي و محاكمة الاطراف الاخرى بتهمة الخيانة العظمى.
الشباب كده هيضيعوه بحماقات قيادتهم و اختراق جماعتهم و او بالاصح عمالاتهم للامن اكتر من حزب النور الامريكاني.
تقريبا كنا حوالي نص ساعة هناك لا ارى هناك حل الا ما سبق و ده هيكون من اجله دم كتير طبعا الحرب ع الاسلام حاضرة بقوة
ارى حطب جيد يحترق ف نار خبيثة لمجرد عودة الكرسي و مرسي لا وجود فعلي لاسلام او لغيره
الرجوع كان سهل نسبيا و الجيش مش بنفس التمركز ناحية اول عباس
..............
الناس اللي فاكرة العسكر هيسلم هتتعدم قريب عشان غبائهم
العسكر ف الكون كله مبيسلمش بالذوق
ملحوظة و انا طالع كان فيه بنر كبير بصورة السيسي
ليست هناك تعليقات:
إرسال تعليق