لماذا يجب ان نحترم اللي بيعبودوا بوذا؟
اول حاجة نوحد ربنا و نسلم ع رسوله ... تاني حاجة مش عاجبك العنوان متكملش.
تخيل انك لقيت واحد بيشتغل كويس معاك ف الشغل و عرفت انه بوذي هتعمل ايه؟ طيب تخيل انه قرر يتجوز اختك المسلمة؟ هه هتوافق (للي ميعرفش محرم شرعا زواج المسلمة بغير المسلم) .. طيب تخيل انه راح السجل المدني يطلع بطاقة و قالوله قدامك دين م التلاتة معندناش شرطة ولا هنسبها فاضية؟ راح كاتبها مسلم عشان يخلص و يمشي مصالحه .. تخيل بعد كدة انه لم دخل ثانوية رماه التنسيق ف كلية تربية و طلع مدرس عربي او تاريخ او اي حاجة .. تعتقد انه ممكن يعلمهم حاجة هو اصلا اجبر عليها و مش معتقد بيها اصلا و يمكن لا يراها صح (انت برضو حقك تشوف اي حاجة غلط) بلاش قرر يتجوز و كان ساكن ف مكان محدش يعرف اصله و معاملته كويسة مع الناس هناك تعتقد انه هيكشف نفسه قدام البنت اللي هيتجوزها؟ تخيل انه خلف منها هيجيب اطفال مسلمين؟ تخيل انه هيحب الوطن ده او الدين ده ف اي يوم؟
ليس مطلوب مننا اننا نبني معابد للبوذين او نشجع ع البوذية لكن ان لا نكره احد ع الدين فيكون كالسوس ف العظام .. مطلوب ان نحافظ ع الدين من انفسنا قبل اعدائنا .. مطلوب ان نفهم اجبار الاخرين ع الفكرة الصواب اسؤ الاعمال لنصرة الفكرة .. مطلوب ان نحمي ديننا و وطنا .. مطلوب الا نتغابى
ليست هناك تعليقات:
إرسال تعليق