ديما ف خلاف مع مؤيدي اي نظام لما
بيتحولوا لالتراس و بيبقى اللي فوق فاهمين و ماشيين حلو و فكرة المسائلة و
المحاسبة من اللي تحت للي فوق بتكون صفر.
دي بذرة الفساد الاولى لاي نظام اللي
تحت شايف كله تمام و اللي فوق شايف انت مين عشان تحاسبني.
الخطوة التانية انت مش شايف هم
بيحاربوا مين ولا بيعملوا ايه و اللي بيحصل ده ظرف مؤقت لحد ما الامور تستقر ....
(و هيبقى كده ع طول).
الخطوة التالتة التبرير اكتر و
الترويج للافكار البالية من نوعية انت مش عاجبك حد ولا عايز حد يحكم و انت فوضوي.
طبعا الكتالوج مليان غيرهم بس السؤال لو غير اللي بتحبوه ف الحكم هيبقى عندكم
استعداد تسمعوا تبرير مؤيديه.
الخطوة الرابعة اهدار باقي حقوقك و
اهمها رأيك و احنا مش عايزين نسمعه او نشوفه او نلاقيه ف اي مكان ولا تفكر اصلا
فيه. انت هتفهم احسن مننا.
اي جماعة عايز تموت ف الاخر بتعمل ده
و بتسمح للالتراس بانهم يكونوا كل حاجة حافظين مش فاهمين عايزين الكل زي بعض الات
بشرية بتنفذ و هي مش فاهمة او فاهمة مش هتفرق كتير.
عندنا فيلم من 2013 اسمه
World war z
ل براد بيت
بيحكي عن طاعون سريع انتشر ف العالم بيحول الناس لاكلي لحوم بشر و بيشوفوا حل
للمشكلة دي فلقوا انه مش منتشر ف اسرائيل لانهم عملوا جدار عازل (شوف الصدف و
الدعاية للفكرة) و كانت الفكرة ان ف 10 كانوا بيحلوا المشكلة اتفق 9 و اختلف معاهم
العاشر اللي كان له رأي تاني طلع صحيح ف الاخر المهم انهم فكروا ف رأيه و اتعمل بس
عموما وصل لهم الطاعون ده.
الاخوان
السيسي الدولة (عشان بيزعلوا من داعش) التراسهم غرقهم او بيغرقهم او هيغرقهم لا
فرق بين التراس ف التفكير ابدا كلهم مش بيبصوا لابعد من تحت رجلهم.
الحرب قد
يكون فيها بعد التجاوزات لكن عدم الاتفاق ع انها تجاوزات مصيبة هتحل لعنتها ع
اصحابها بعد الحرب.
ليست هناك تعليقات:
إرسال تعليق