ف الاول البوست طويل لو مش مستعد تضحي بشوية وقت متفتحوش.
تاني حاجة لو مش عاجبك كلامي انت حر انا مش مقرره عليك ف امتحان.
تالت حاجة محدش بيزايد ع حد.
نبتدي..
عدد الفيروسات ف الطبيعة اكبر من مجموع اعداد باقي المخلوقات بمراحل.
الجيل الأول من اي فيرس بيكون الاضعف و زي ما مناعتك بتزيد قوته بتزيد و بيتغير مع الوقت.
بعض الأمراض لو شفيت منها لا تصيبك مرة تانية. الفيرس بيتغذى ع العائل اللي بيصيبه و لكي يضمن استمراره بيترك العائل قبل موته و بالتالي القضاء عليه او تعطيل تطوره.
النظافة بيتعطي خط دفاع ضد اكثرها لكن عدم تعرضك لاي خبرات مرضية بيخلي تأثير الخطر لو حصل كبير.
اغلب الامراض تأتي من القذارة.. الاكل غير المصنع جيدا.. الزحام.. العادات غير السليمة زي الجنس الجماعي...
فترة حضانة الفيرس تختلف حسب كل فيرس فبعضها مثل المسبب لنقص المناعة تستغرق فترة حضانته 8-10 سنين. سارس يومين.
لذلك تأثير hiv يكاد يكون مدمر لان ملاحظته صعبة.
فيروسات الكبد تكفي قطرة دم او كمية غير مرئية للاصابة.
لذلك ينصح بالاهتمام بالنظافة و الابتعاد عن الجنس خارج الزواج و المخدرات.
فيرس سارس انتقل من الصين لهنونج كونج عن طريق طبيب معالج و منها ل 29 دولة مخلفا 800 ميت ف سنة 2003.
........
نترك الفيروسات و نتكلم عن المعلومات و خصوصية المعلومات.
شبكات التواصل الاجتماعي اصبحت واقع حقيقي ليس مجرد افتراضي. شركات التأمين بدأ بعضها يؤمن الحسابات ضد الاختراق. تم رفع قضية ع موقع سكند لايف لان ممتلكات احدهم تم حذفها..
فيس بوك بيطلب فلوس عشان تبعت لحد مش عندك و مترحش ف other قبل إلغاء
ف ناس بتكلمهم كل يوم و عمركم ما اتقابلتوا.
ممكن تقول بقينا بشخصيتين او اكتر حسب عدد الاكونتات.
طبعا ف ناس بتستغل المواقع دي ف التواصل و خلق محتوى مفيد او مسلي و بعضهم.... شرقان.
ف ناس بتحب من اول لايك او صورة بروفيل.
ف اسهال طلب صداقة من ناس مجهولين.
ف تطوع بامداد بمعلومات لا يصح الكلام اصلا عنها.
خلينا نركز على الفيس بوك...
حضرتك بتضيف اي بنت او بتقبل لو بعتت. ممكن تتكلم عن تفاصيل حياتك عادي مع اي حد. بما فيها مكان شغلك و ساكن فين و نوع عربيتك و غيرها.
لا انت ممكن تتكلم عن رأيك السياسي بما يضعك ضمن المطلوبين للنظام.
لا مش بس كده انت ممكن تورط غيرك معاك و هم ملهمش ذنب.
انت ممكن تقول كلام لشخص مجهول لمجرد انه بيزايد عليك ف معارضة النظام يوديك ورا الشمس.
امور كتير بتتخلى عنها عشان عدد اللايك و الفولو يزيد.
لمجرد التميز و الخصوصية ف بعض الامور بتتخلى عن امنك الشخصي.
انت متنساش تشغل تطبيقات اعرف مين زار بروفيلك او تصور ناس بطريقة تحبسهم.
انت عائل الفيرس اللي هيقتلنا كلنا سواء كنا معاك ف فكرك او لا.
مش كل اكونت بنت تهري معاه.
مش كل ما تتحزق من النظام تكلم مجهول و تفضفض له.
اصلا انت من بتوع لايك و شير لاي ثمرة فيها تشوه.
انت بتعمل لايك لبوستات تحداني يهودي و لو معملتش لايك تبقي كاره للدين.
انت بتقبل اي اعشاب مجهولة من نصاب ع انها طب نبوي..
انت من بتوع نكفر الصوفيين عشان بيصدقوا ان ف مشي ع الميه بس عادي ف ادان مسموع ع القمر.
انت ضد علاقة جنسية خارج الزواج بس بيس يكون ف 4 زوجات و 40 ملك اليمين. ع اساس انك فاضي لكل دول.
انت عادي تصدق كرامات انسان عاجز بتحبه بس ابدا نتصدقش غيره بتكرهه.
انت بتزايد ع الفيس و تكفر و تتعولق ف نفس الوقت و مش عاجبك حد و لا متقبل اي رأي غير رايك اللي انت شايفه الدين مش فهمك للدين.
امثال حضرتك هيموت و معاه ناس كتير مظلومه بسببه.
.....
اقروا و تعلموا و بلاش احكام مسبقة.
.....
اخيرا اللي فتح مصر عمرو مش ابو موسى...
انضجوا و تعلموا من التجارب السابقة.
ليست هناك تعليقات:
إرسال تعليق