بداية الكلام ده مش لحد اشترى
ده للناس اللي لسه هتشتري
اقراه براحتك و فكر كويس و اللي ميعجبكش منه ولا كأنك قريته.. مش هنخسر بعض عشان كلمتين.
مفيش اسم شركة هتلاقيه هنا و برضه بلاش السؤال بتاع احسن شركة ايه.
الالوان و التصميم ذه ذوق حضرتك او المهندس اللي بيصمم المكان برضه مفيش داعي اختار لون ايه.
الكلام ده اكيد هيكون فيه اضافات مع الوقت و صور هتكون بلون غير الاسود للتسهيل
نبتدي:
1. اشتري كل السيراميك مرة واحدةو بزيادة شوية و اتفق انك ترجع اللي هيفيض منك (لو ينفع).
2. متشتريش و تركن السيراميك لان لو حبيت تجيب نفس اللون احتمال متلقيهوش.
3. درجة اللون بتتغير من تشغيلة للتانية فعشان كده اشتري كل حاجة مرة واحدة.
4. السيراميك لا بيقوس ولا بيتني ولا لونه بيتغير من الركنة ممكن بس يتكسر لو مرصوص غللط او وقعت عليه حاجة.
5. ف احتمال ان يكون مبلط السيراميك مش حلو و يبوظ كمية فترجع تجيب تاني تلاقي درجة اللون اختلفت او اللون خلص. اختار مبلط كويس و هات سيراميك بزيادة.
6. السيراميك له مقاسين المقاس الاسمي اللي هو مكتوب ع الكرتونة 40*40 و المقاس الفعلي اللي هو مدى بعده او قربه من المقاس الاسمي و بياخد رمز c للارضيات و معها ارقام و بيتكتب بالطابعة باللون الاسود ع جنب الكارتونة لازم كل البلاط يكون له نفس الـ C
7. بلاش المقاسات الكبيرة اكتر من 50*50 للارضيات لان بيكون فيها مشاكل كتير و نسبة الجيد فيها بتكون قليلة (عموما ده بيحصل بعض الشركات بتفرز كويس).
8. ف بلاط مط (غير لامع) ده مناسب للاماكن اللي فيها حرجة كتير و اطفال لانه مش بيزحلق زي البلاط اللامع.
9. مشاكل السطح ف البلاط المط اقل من البلاط اللامع.
10. مكتوب ع الكرتونة درجة البري و يجب انها متكونش اقل من الدرجة التالتة.
11. الكرتونة مكتوب عليها المقاس الفعلي و درجة اللون و الفرز لازم كله زي بعضه.
12. مفيش فرز اول فيه تقشير للسطح او شروخ صغيرة او كبيرة او الوان متفاوتة او مقاسات فعلية مختلفة او تقويس.
13. اسأل عن الاسعار ف كذا مكان و هتلاقي اختلافات كتير و اشتري لما تتطمن للسعر.
14. يفضل ان يكون كل البلاط نازل من ع نفس الباليتة الخشب من عند التاجر للحفاظ ع اكبر تجانس.
15. بلاش تعملوا شطرنج ف الارضيات لان المقاسات بتختلف كتير و العراميس (الفرق بين البلاط) مبتكونش متماثلة.
16. السيراميك غير البلاط المكبوس بس لانه بيدخل فرن و بيمشي ع سيور تضيف له السطح بتاعه و ده بيعمل تغييرات كتير ف المقاس و اللون و التجانس عموما.
17. خد بالك من السيراميك المكسور لانه بيدبح ولا سكينة لسه مسنونة و كتير سبب اصابات.
18. السيراميك مش بينشع من فوق لتحت يعني لو وقع عليه حاجة مينفعش يتغير لونه كده مرة واحدة.
19. بلاش غسيل سيراميك باحماض عالية التركيز.
20. بلاش تشتري عروض بكميات الا لما تعرف التفاصيل و تشوف بنفسك.
21. هات حد كويس ينزل السيراميك او يرفعه ادوار عالية.
22. السيراميك بيتخزن واقف ع سيف البلاطة مش فوق بعضه.
23. سيراميك الحوائط بيمتص ماية اكتر و ده بيسبب غمقان لللون خفيف بعد التركيب خصوصا لو لون فاتح و بعد شوية بيروح.. خد بالك.
24. سيراميك الحوائط هاته فلات (مستوي) بلاش المشطوف او الحجري (صلابته بتكون اقل).
25. سيراميك الحوائط اللي امتصاصه للمية اقل بيكون مسمط شوية و ده بيخليه ياخد وقت ع ما يثبت ع الحيطة او احيانا بيحتاج مادة خاصة للتركيب. ده مش عيب صناعة بالعكس هتسمع من الصنايعي العكس لانها بتاخد وقت منه و بتقرفه.
26. كل ما تكبر البلاطة مش ميزة خالص بالعكس بتكون صلابتها اقل و شكلها لو المكان مش كبير غبي.
27. الشمس ممكن تغير لون البلاط خصوصا الاحمر .. بلاش تركب ملون ف حتة فيها شمس.
28. اشتري ديما بفواتير و افهم نظام الاستبدال و اي حاجة تانية جايز تحتاج تبدل او ترجع او تشتكيهم.
29. مفيش حاجة ملهاش عيوب فاعرف الاول هل العيوب دي هتقدر تتعايش معها ولا .
30. الشكل الجمالي ملوش لازمة لو الصلابة او غيرة سيئة فبلاش نبص للمنظر بس.
31. مش معنى انك تقدر تدفع انك هتجيب حاجة كويسة (ف متر 350 ج شفته من سنة ولا يستحق).
32. السيراميك المقطوع حوافه ليزر اللي لما بيتركب مبيكونش فيه عمروس لازم حد بيفهم يركبه لانه غالي و محتاج خبرة.
33. نتفق او نختلف الباركيه العادي احسن من السيراميك و مشاكله اقل .. صوت رجلك عليه بيفرق.
34. بلاط الارضيات عموما مربع و الحوائط مستطيل و غالبا ف تقويس ف اي بلاط مستطيل فخد بالك.
35. قبل ما تركب افرز السيراميك و تاكد ان الفرز الاول مفيهوش غلطة (ممكن تلاقي حاجة اتكسرت او اتخدشت اوي من العمال اقصد هنا مفيش غلطة تصنيع).
36. الماركات الجديدة زي القديمة لان الناس القديمة بتلف ع الشركات فمتخفش اوي من اسم جديد لان مش هتفرق كتير بالعكس ممكن يكون جودة احسن.
37. كتالوجات الشركات فيها شوية تظبيط فوتوشوب فخد بالك اللي ف الكتالوج عمره ما هيكون زي اللي هيركب ع الواقع.
38. ف بلاط ديكور بيتطبع خصوصا الحوائط و الوزرات ممكن تركبه يعمل شكل حلو ف المطابخ او الحمامات.
39. اشتري ديما بالنهار و شوف الالوان ف نور ربنا بلاش بالليل صدقني وقت التركيب هتلاقي حاجة تانية خالص.
40. لو كل ده حضرتك خدت بالك منه مش هيحصل مشاكل و كله هيبقى تمام.
ده للناس اللي لسه هتشتري
اقراه براحتك و فكر كويس و اللي ميعجبكش منه ولا كأنك قريته.. مش هنخسر بعض عشان كلمتين.
مفيش اسم شركة هتلاقيه هنا و برضه بلاش السؤال بتاع احسن شركة ايه.
الالوان و التصميم ذه ذوق حضرتك او المهندس اللي بيصمم المكان برضه مفيش داعي اختار لون ايه.
الكلام ده اكيد هيكون فيه اضافات مع الوقت و صور هتكون بلون غير الاسود للتسهيل
نبتدي:
1. اشتري كل السيراميك مرة واحدةو بزيادة شوية و اتفق انك ترجع اللي هيفيض منك (لو ينفع).
2. متشتريش و تركن السيراميك لان لو حبيت تجيب نفس اللون احتمال متلقيهوش.
3. درجة اللون بتتغير من تشغيلة للتانية فعشان كده اشتري كل حاجة مرة واحدة.
4. السيراميك لا بيقوس ولا بيتني ولا لونه بيتغير من الركنة ممكن بس يتكسر لو مرصوص غللط او وقعت عليه حاجة.
5. ف احتمال ان يكون مبلط السيراميك مش حلو و يبوظ كمية فترجع تجيب تاني تلاقي درجة اللون اختلفت او اللون خلص. اختار مبلط كويس و هات سيراميك بزيادة.
6. السيراميك له مقاسين المقاس الاسمي اللي هو مكتوب ع الكرتونة 40*40 و المقاس الفعلي اللي هو مدى بعده او قربه من المقاس الاسمي و بياخد رمز c للارضيات و معها ارقام و بيتكتب بالطابعة باللون الاسود ع جنب الكارتونة لازم كل البلاط يكون له نفس الـ C
7. بلاش المقاسات الكبيرة اكتر من 50*50 للارضيات لان بيكون فيها مشاكل كتير و نسبة الجيد فيها بتكون قليلة (عموما ده بيحصل بعض الشركات بتفرز كويس).
8. ف بلاط مط (غير لامع) ده مناسب للاماكن اللي فيها حرجة كتير و اطفال لانه مش بيزحلق زي البلاط اللامع.
9. مشاكل السطح ف البلاط المط اقل من البلاط اللامع.
10. مكتوب ع الكرتونة درجة البري و يجب انها متكونش اقل من الدرجة التالتة.
11. الكرتونة مكتوب عليها المقاس الفعلي و درجة اللون و الفرز لازم كله زي بعضه.
12. مفيش فرز اول فيه تقشير للسطح او شروخ صغيرة او كبيرة او الوان متفاوتة او مقاسات فعلية مختلفة او تقويس.
13. اسأل عن الاسعار ف كذا مكان و هتلاقي اختلافات كتير و اشتري لما تتطمن للسعر.
14. يفضل ان يكون كل البلاط نازل من ع نفس الباليتة الخشب من عند التاجر للحفاظ ع اكبر تجانس.
15. بلاش تعملوا شطرنج ف الارضيات لان المقاسات بتختلف كتير و العراميس (الفرق بين البلاط) مبتكونش متماثلة.
16. السيراميك غير البلاط المكبوس بس لانه بيدخل فرن و بيمشي ع سيور تضيف له السطح بتاعه و ده بيعمل تغييرات كتير ف المقاس و اللون و التجانس عموما.
17. خد بالك من السيراميك المكسور لانه بيدبح ولا سكينة لسه مسنونة و كتير سبب اصابات.
18. السيراميك مش بينشع من فوق لتحت يعني لو وقع عليه حاجة مينفعش يتغير لونه كده مرة واحدة.
19. بلاش غسيل سيراميك باحماض عالية التركيز.
20. بلاش تشتري عروض بكميات الا لما تعرف التفاصيل و تشوف بنفسك.
21. هات حد كويس ينزل السيراميك او يرفعه ادوار عالية.
22. السيراميك بيتخزن واقف ع سيف البلاطة مش فوق بعضه.
23. سيراميك الحوائط بيمتص ماية اكتر و ده بيسبب غمقان لللون خفيف بعد التركيب خصوصا لو لون فاتح و بعد شوية بيروح.. خد بالك.
24. سيراميك الحوائط هاته فلات (مستوي) بلاش المشطوف او الحجري (صلابته بتكون اقل).
25. سيراميك الحوائط اللي امتصاصه للمية اقل بيكون مسمط شوية و ده بيخليه ياخد وقت ع ما يثبت ع الحيطة او احيانا بيحتاج مادة خاصة للتركيب. ده مش عيب صناعة بالعكس هتسمع من الصنايعي العكس لانها بتاخد وقت منه و بتقرفه.
26. كل ما تكبر البلاطة مش ميزة خالص بالعكس بتكون صلابتها اقل و شكلها لو المكان مش كبير غبي.
27. الشمس ممكن تغير لون البلاط خصوصا الاحمر .. بلاش تركب ملون ف حتة فيها شمس.
28. اشتري ديما بفواتير و افهم نظام الاستبدال و اي حاجة تانية جايز تحتاج تبدل او ترجع او تشتكيهم.
29. مفيش حاجة ملهاش عيوب فاعرف الاول هل العيوب دي هتقدر تتعايش معها ولا .
30. الشكل الجمالي ملوش لازمة لو الصلابة او غيرة سيئة فبلاش نبص للمنظر بس.
31. مش معنى انك تقدر تدفع انك هتجيب حاجة كويسة (ف متر 350 ج شفته من سنة ولا يستحق).
32. السيراميك المقطوع حوافه ليزر اللي لما بيتركب مبيكونش فيه عمروس لازم حد بيفهم يركبه لانه غالي و محتاج خبرة.
33. نتفق او نختلف الباركيه العادي احسن من السيراميك و مشاكله اقل .. صوت رجلك عليه بيفرق.
34. بلاط الارضيات عموما مربع و الحوائط مستطيل و غالبا ف تقويس ف اي بلاط مستطيل فخد بالك.
35. قبل ما تركب افرز السيراميك و تاكد ان الفرز الاول مفيهوش غلطة (ممكن تلاقي حاجة اتكسرت او اتخدشت اوي من العمال اقصد هنا مفيش غلطة تصنيع).
36. الماركات الجديدة زي القديمة لان الناس القديمة بتلف ع الشركات فمتخفش اوي من اسم جديد لان مش هتفرق كتير بالعكس ممكن يكون جودة احسن.
37. كتالوجات الشركات فيها شوية تظبيط فوتوشوب فخد بالك اللي ف الكتالوج عمره ما هيكون زي اللي هيركب ع الواقع.
38. ف بلاط ديكور بيتطبع خصوصا الحوائط و الوزرات ممكن تركبه يعمل شكل حلو ف المطابخ او الحمامات.
39. اشتري ديما بالنهار و شوف الالوان ف نور ربنا بلاش بالليل صدقني وقت التركيب هتلاقي حاجة تانية خالص.
40. لو كل ده حضرتك خدت بالك منه مش هيحصل مشاكل و كله هيبقى تمام.
مقال مفيد شكرا لك
ردحذفhttps://www.vatrena.com/c/348
ردحذفاكبر تجمع من سيراميك و بورسيلين تجدها علي فاترينا دوت كوم دليل عام واكبر محرك بحث محلي في مصر
جزيت خيرا
ردحذفالله يكرمك شكرا طب دلوقتى انا حجزت وعند الاستلام قولته هاجر استلم قالى لا أنا جيب الحاجه تطلع فوق طب عند الترابط افرض ملقتهاش هيه اجيب ومش تانى ونزل ولا اعمل ايه
ردحذف