حجب المواقع

بداية انا من انصار المدرسة اللي بتقول انك لو ربيت الشعب مش هتحتاج لشرطي واحد ممكن اتنين او تلت شيوخ بالكتير لان الشعب هيكون عارف ما عليه قبل اللي ليه و هيتصرف بمسئولية كيفما شاء .

طيب بما ان الشعب ده لسة مش موجود ولا هنعرف نربيه ف يوم و ليلة و حتي لو حاولنا هيطلعلنا اي بتاع يقول من انتم؟ فاذا لازم يكون لينا دور رقابي مسئول برضو لا ينتهك الخصوصيات ولا يهتك ما ستره الله.
ايضا بفرض اننا وفقنا ف الرقابة ع الشعب كما ف رواية 1984.. فسنحتاج لرقيب فوق كل مواطن و رقيب ع كل رقيب


حجب المواقع بيكون بعمل ليست بكلمات لو موجودة ف الموقع ميفتحش .. طيب ف حاجة اسمها بروكسي .. ممكن تدخل ع مواقع بتفتح الموقع من جوها .. او تنزل الفيلم تحميل مباشر او تورنت .. او حتي ممكن تلعب ف الاي بي بتاعك او المتصفح بتاعك زي اوبرا بيسهل الموضوع ده ...


اتذكر محاولة الحكومة المصرية الفاشلة ف ليلة جمعة الغضب لحجب تويتر و الفيث التي ادركت فشلها في ذلك بعد بضع ساعات فقفلت النت كله علينا..
اتذكر ايضا ان الاقمار الصناعية تحوي ما تشتهيه العقول المريضة من كل انواع ما يجب حجبه تماما..


م الاخر الحجب هيذود الموضوع مش هيمنعه و اتذكر المجتمعات التي تمنع كل شئ ... مفيهاش حاجة ممنوعة غير للضعيف او اللي مبيعرفش يسلك نفسه


طيب الحلول عشان اللي لسه داخل من البلكونة

• التوعية الدينية ..
• حل مشاكل الشباب ف الجواز 
• جعل الحجب بالاختيار و ليس بالاجبار
• لو تم فعلا فيجب ان يكون بعيد عن الرقابة الحكومية 

ما تكلمنا عنه هو الاباحية المجانية و ليست المباعة او المتداولة رسميا مثل الجرايد و المجلات و الافلام و الاسطونات و ما يتم استيراده تحت اي مسمى ... و دي طبعا انا ضدها