انا دخلت خوالي 8:30 من كوبري قصر النيل الوضع كان عادي و مفيش اي حاجة غير عند شارعي الشيخ ريحان و محمد محمود تم تراشق الحجارة و قنابل الغاز الجديدة كما تم قطع المياة عن مسجد عمر مكرم و مكنش فيه بيعاين ف الميدان لحد تسعة تقريبا
شفت امير سالم و رشا عزب و حد عرفت انه نائب رئيس محكمة استئناف القاهرة (اي كان الاسم)
تم توزيع منشور لمجلس رئاسي مدني فيه تقريبا كل الشخصيات المحترمة من كل التيارات لكن وقتها كنت اتعميت من الغاز فمريتوش غير و انا راجع لو عرفت اصوره هرفع صورته لان موبيلي عقيم ف التصوير
لم نسمع اي هتافات تمثل تيار بعينه مكنش فيه مدنية و لا اسلامية و كانت الهتافات مثل الله اكبر و الكل كان بيردد و الشعب يريد اسقاط النظام و احيانا المشير و خلتك سلمية ماتت و عار عار مجلس العسكر عار و في هتاف تاني حلو ناسيه دلوقتي
كان فيه سلفين كتير لم يهتموا باي فتاوي او نصائح بل بعضهم انتقد ابو اسماعيل بعد (مهزلة امبارح) بل ان بعضهم كان معاه المدام و الاطفال كمان كذلك مزز الثورة و العيال السيس و الفانكي
اتصورت ف قلب الصينية بعد عودتها الي ثورها و بكده هكون اول واحد يفخر انه اتصور ف الصينية مش جنب الدبابة .... و متهيقي هيكون صعب ع قوات حفظ الصينية العودة ليها
مطلوب للنزول نضارات بتاعة السباحة اللي بتقفل ع العين و خل و كولا و مناديل او قطن و لبس تقيل و كوتشي بلاش اللبس الديق او اللي مبيسمحش بالحركة و كمان كولونيا و كمامات و بصل و شحن الموبيل رصيد و بطارية مع ترك ورقة داخل جيبك بها اهم الارقام ف حاجة الطوارئ .... الاخوة الطباء و الصيادلة عارفين طبعا مطلوب ايه فمش هرغي ف النقطة دي
الوصول ف جماعات من اي محطة مترو لكن لو العدد قليل يفضل الاوبرا او محمد نجيب و لكن الاوبرا افضل
ارجو من كل اللي نازل يعرف تفاصيل الشوارع حول الميدان قدر الامكان لتسهيل الوصف او العودة ف حالة التواهن
قنابل الغاز الجديدة بتسبب حرقان ف الجلد تحت العين بدون لمسهما حتي و تدميع العين بغزارة كما تسبب اختناق و سعال شديد جدا لدرجة اني حسيت ان ظوري طلع من بوقي و شوية تفاصيل مقرفة تانية ... القنابل مصنوعة ف امريكا و التعامل بالخل و الكولا .... دخول الخل العين بيسبب حرق شديد لكن بيلاشي الاثر بسرعة غريبة
انا مشيت عادي و حدش اتعرض ليه لكن وقفنا ف كمين للميكروباص كان لامن الدولة و معاهم عربية ملاكي مش نمر شرطة ابدا و عليها فنار الشرطة !!!! العيسوي هيقول معندناش عربيات اصلا
انا نادم اني تركت الميدان بس هرجع تاني .... اكرر ف تفاصيل كتير انا مشفتهاش و سمعت عن بعضها لكن الحدث كان مايئ بالتفاصيل الكثيرة التي لا يمكن ان يشهدها فرد مهما كانت سرعة تنقله جوه الميدان
شفت امير سالم و رشا عزب و حد عرفت انه نائب رئيس محكمة استئناف القاهرة (اي كان الاسم)
تم توزيع منشور لمجلس رئاسي مدني فيه تقريبا كل الشخصيات المحترمة من كل التيارات لكن وقتها كنت اتعميت من الغاز فمريتوش غير و انا راجع لو عرفت اصوره هرفع صورته لان موبيلي عقيم ف التصوير
لم نسمع اي هتافات تمثل تيار بعينه مكنش فيه مدنية و لا اسلامية و كانت الهتافات مثل الله اكبر و الكل كان بيردد و الشعب يريد اسقاط النظام و احيانا المشير و خلتك سلمية ماتت و عار عار مجلس العسكر عار و في هتاف تاني حلو ناسيه دلوقتي
كان فيه سلفين كتير لم يهتموا باي فتاوي او نصائح بل بعضهم انتقد ابو اسماعيل بعد (مهزلة امبارح) بل ان بعضهم كان معاه المدام و الاطفال كمان كذلك مزز الثورة و العيال السيس و الفانكي
اتصورت ف قلب الصينية بعد عودتها الي ثورها و بكده هكون اول واحد يفخر انه اتصور ف الصينية مش جنب الدبابة .... و متهيقي هيكون صعب ع قوات حفظ الصينية العودة ليها
مطلوب للنزول نضارات بتاعة السباحة اللي بتقفل ع العين و خل و كولا و مناديل او قطن و لبس تقيل و كوتشي بلاش اللبس الديق او اللي مبيسمحش بالحركة و كمان كولونيا و كمامات و بصل و شحن الموبيل رصيد و بطارية مع ترك ورقة داخل جيبك بها اهم الارقام ف حاجة الطوارئ .... الاخوة الطباء و الصيادلة عارفين طبعا مطلوب ايه فمش هرغي ف النقطة دي
الوصول ف جماعات من اي محطة مترو لكن لو العدد قليل يفضل الاوبرا او محمد نجيب و لكن الاوبرا افضل
ارجو من كل اللي نازل يعرف تفاصيل الشوارع حول الميدان قدر الامكان لتسهيل الوصف او العودة ف حالة التواهن
قنابل الغاز الجديدة بتسبب حرقان ف الجلد تحت العين بدون لمسهما حتي و تدميع العين بغزارة كما تسبب اختناق و سعال شديد جدا لدرجة اني حسيت ان ظوري طلع من بوقي و شوية تفاصيل مقرفة تانية ... القنابل مصنوعة ف امريكا و التعامل بالخل و الكولا .... دخول الخل العين بيسبب حرق شديد لكن بيلاشي الاثر بسرعة غريبة
انا مشيت عادي و حدش اتعرض ليه لكن وقفنا ف كمين للميكروباص كان لامن الدولة و معاهم عربية ملاكي مش نمر شرطة ابدا و عليها فنار الشرطة !!!! العيسوي هيقول معندناش عربيات اصلا
انا نادم اني تركت الميدان بس هرجع تاني .... اكرر ف تفاصيل كتير انا مشفتهاش و سمعت عن بعضها لكن الحدث كان مايئ بالتفاصيل الكثيرة التي لا يمكن ان يشهدها فرد مهما كانت سرعة تنقله جوه الميدان
ليست هناك تعليقات:
إرسال تعليق